Para Sa Mga Taong Nais Na Wakasan Ang Lahat

Idilat mo ang iyong mga mata,

Sapagkat ngayong araw na ito’y kakayanin mo na.

Tumayo ka.

Tingnan mo ang repleksyon ng iyong sarili sa salamin,

At ibulong mo rito ang mga salitang, “May hangganan ang lahat.” 

Ngumiti ka.

O hindi kaya’y umiyak ka.

Ang mahalaga’y makaramdam ka.

Damhin mo ang saya.

Damhin mo ang lungkot.

Intindihin mong lahat ng mga damdaming ito ang bumubuo sa iyo.

Huwag kang tatakbo,

Pumarito ka lamang.

Sapagkat ang iyong mga paa’y punung-puno na ng mga sugat na dala ng iyong pagtakas.

Maging bukas ka.

Sa mga taong pupuntahan ka para lamang saktan ka.

Sa mga taong nais kang tulungan.

Pakatandaan mo na hindi ka nag-iisa at kailanma’y hindi mauubos ang bilang ng mga taong nagmamahal sa iyo.

Sa mga sugat na sobrang mahapdi–kahit na maghilom ang mga ito’y kabisado mo na ang sakit.

Sa mga pagkakataong nalulungkot ka.

Hindi ito kasalanan. Kaya sige lang, umiyak ka lang.

Iiyak mong lahat.

Kasabay ng pag-iyak mo ang pagtanggap na buo ka.

Isa ka. Hindi ka sira. Hindi ka durog. 

Buo ka.

Kahit na sa tingin mo’y hiwa-hiwalay ka na.

Bumangon ka.

Para sa iyong sarili.

Para sa iyong mga pangarap.

Para sa pangakong darating din ang isang magandang bukas.

Maniwala ka.

Matatapos din ang kalungkutan.

Mawawakasan din ang sakit at hirap.

Hindi mo kailangang magmadali.

Mabagal ang andar. Mabako at pasikut-sikot ang daanan.

Gayunpama’y sa dulo nito, makakauwi ka rin.

Sa dulo nito’y may nag-iintay sa iyong yakap at halik.

Kaya, dumilat ka.

Sapat na ang pagpapahinga.

Dumilat ka.

Tumingin ka sa iyong paligid at damhin bawat isang bagay na malalapatan ng iyong mga mata.

Dumilat ka.

Sapagkat naniniwala akong kaya mo na.

Kakayanin mo.

Makakaya mo.

Kaya mo.

Hanggang sa makaalis ka sa madilim na kuwartong mayroong apat na haligi,

Maniwala ka.

Kaya mo. 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s